KAMATI YA USALAMA YA WILAYA YAPATA MAFUNZO YA MFUMO WA MANUNUŹI NEST

Posted on: July 9th, 2024

Kamati ya usalama ya Wilaya ya Kwimba  ikiongozwa na Mwenyekiti wa kamati hiyo ambaye pia ni Mkuu wa Wilaya ya  Kwimba  Mhe  Ng'wilabuzu N. Ludigija  wamepata mafunzo ya mfumo wa manunuzi ( Nest)

Akifungua mafunzo hayo Mhe. Ludigija  amezitaka taasisi zote zilizopo Wilayani hapo kufanya taratibu za manunuzi kwa kutumia mfumo huo ili kuepuka changamoto na lawama kutoka kwa wafanya biashara

" mfumo huu ni mzuri kwa sababu haumkutanishi mfanya biashara na taasisi hii inaondoa lawama ya kusema kuna wazabuni wanapendelewa kwani wote wanaomba kwenye mfumo na mfumo ndio unachagua mzabuni"amesema  Ludigija

Akitoa mafunzo hayo Mkurugenzi  Mtendaji wa Halmashauri ya Wilaya ya Kwimba Bi. Happiness Msanga  amesema Kwimba ndiyo kinara  wa matumizi ya mfumo wa Nest  kwani inaongoza Nchi nzima, amesisitiza kuwa Halmashauri  itaendelea kutumia mfumo huo kwani tangu kuanzishwa kwa mfumo huo Halmashauri  imepata faida nyingi ikiwa ni pamoja na kupunguza ghalama za manunuzi ya vyakula vya wanafunzi shuleni

" kabla ya mfumo chakula cha wanafunzi shule ya Sekondari  Mwamashimba kilikuwa kinanunuliwa kwa zaidi ya milioni 25 lakini baada ya mfumo chakula kinanunuliwa kwa milioni 16" amesema  Msanga 

Katika mafunzo hayo walikuwepo  wawezeshaji wengine Deogratias Tulinawe Mkuu wa Kitengo cha manunuzi ambaye amewafundisha kuhusu sheria mpya ya manunuzi ya umma  inayozitaka taasisi zote kutumia  mfumo huo na  Esta Afisa Elimu Maalum Sekondari ambaye amefundisha namna mfumo unavyofanya kazi, kuandaa mpango wa manunuzi na  kutangaza zabuni.

" haya mafunzo ni mazuri na yatatusaidia kusimamia taratibu za manunuzi kwa kuzingatia mfumo wa Nest" amesema  Julian Augustin Kamanda wa TAKUKURU Wilaya ya Kwimba.