Sherehe ya Kusaini Mikataba ya Matengenezo ya Barabara na Ukarabati wa Majengo

Posted on: March 1st, 2017

Mwenyekiti wa Halmashauri ya wilaya ya Kwimba Mh. Peter Lucas Ngassa ameongoza sherehe ya kusaini mikataba ya miradi ya matengenezo ya barabara pamoja na ukarabati wa miundombinu katika hospitali ya Ngudu kwa mwaka wa fedha 2016/2017 itakayogharimu  kiasi cha Tsh.807,933,260 Tarehe 28/02/2017.

Mkurugenzi Mtendaji wa Halmashauri hiyo  Bibi Pendo  Anangisye Malabeja amesema Wakandarasi wazingatie kanuni, sheria, taratibu na uadilifu mkubwa wakati wa kutekeleza shughuli zao pia kutojihusisha na vitendo vya rushwa. Maana kufanya hivyo miradi haitatekelezwa kwa viwango tunavyotarajia hivyo kusababisha kukosekana kwa thamani halisi ya fedha katika mradi (Value for Money).  Pia amesisitza kuwa Kwimba lazima iwe mfano wa kuigwa kwa kutojihusisha na maswala ya utoaji na upokeaji wa  rushwa (Free zone corruption)

Pamoja na hayo Mh. Peter Lucas Ngassa amesisitiza suala la ubora na ufanisi wa kazi.

“Hakikisheni kazi mtakazozifanya  zikidhi malengo na matarajio ya serikali na wananchi ili kuleta tija kulingana na pesa iliyolipwa kwa kufanya hivyo mtakuwa mnajenga picha nzuri ya makampuni yenu na mtakuwa msaada kwa serikali yetu inayoimiza uchapakazi wenye viwango”

 Vivyo hivyo amesisitiza wakandarasi washirikiane na kujenga mahusiano mazuri  na viongozi  mbalimbali ngazi ya vijiji na kata ambapo utekelezaji wa miradi hiyo unafanyika ili kuijengea jamii umiliki wa miradi hiyo.

 Pia amewaomba wakandarasi hao  wamalize kazi zao kwa muda waliopewa kwenye mkataba na malipo yatafanyika baada ya wakaguzi kujiridhisha na kazi na yatafanyika haraka iwezekanavyo.

Wakandarasi waliohusika katika kikao hicho cha kusaini mikataba ni;

• M/S Nice Construction & General Supplies wa S.L.P 594 Mwanza.
• M/S Athu Building & Civil Work LTD wa S.L.P 61450 Dar es salaam.
• M/S Hemed Holding CO LTD wa S.L.P  193 Shinyanga.
• M/S Itegamatu CO LTD wa S.L.P 711 Shinyanga.
• M/S Afrihost Investment LTD wa S.L.P 11958 Mwanza.
• M/S Samka Constractors CO LTD wa S.L.P 10353 Mwanza.
• M/S Valosu Company LTD wa S.L.P 1558 Mwanza .
• M/S Ntangwa Enterprises wa S.L.P 1359 Shinyanga.
• M/S Mark and General Agencies wa S.L.P 64601 Mwanza.