KWIMBA YAIPOKEA PAMBA JIJI FC KWA SHANGWE BAADA YA KUTINGA LIGI KUU

Posted on: April 30th, 2024

Wananchi wa Wilaya ya Kwimba wakiongozwa na Mkuu wa Wilaya ya Kwimba Mhe. Ng'wilabuzu Ludigija, Mkurugenzi wa Halmashauri Bi. Happiness Msanga na viongozi wengine wameshiriki mapokezi ya timu ya Mpira wa miguu ya Pamba Jiji FC ya Mwanza iiyokuwa ikitokea Arusha kwenye mashindano yaliyopelekea timu hiyo kufuzu kuingia Ligi Kuu daraja la Kwanza Tanzania Bara baada ya miaka 23.Mapokezi hayo yamefanyika Leo Aprili 30,2024 katika eneo la Hungumalwa.

Akipokea timu hiyo Mkuu wa Wilaya ya Kwimba amewapongeza wachezaji kwa ushindi waliopata na amewashauri  kuendeleza ushindi huo kwenye michezo itakayofuata " tunawapongeza sana kwa ushindi huo wa kutinga Ligi kuu endelezeni ushindi, pia niwaambie mna mashabiki wengi sana hapa Kwimba na sehemu nyingine' Ludigija

Ikumbukwe kuwa timu hii ilashawahi kuwa timu bingwa miaka ya nyuma ambapo ilikuwa na wachezaji maarufu kama George Masatu, George Ngole,Fumo Felician,Madata Lubigisa, David Mwakalebele na wengine wengi.

Mkoa wa Mwanza umedhamilia kurejesha heshima ya Mpira wa miguu kupitia timu hii ambayo ilikuwa Ligi daraja la Kwanza kwa miaka 23 mfululizo na hatimaye chini ya uongozi wa Mwalimu Mbwana Makata imeweza kutinga Ligi kuu.