KWIMBA YASHIRIKI MAONESHO YA NANENANE KANDA YA ZIWA MAGHARIBI

Posted on: August 5th, 2024

Halmashauri ya Wilaya ya Kwimba  ni miongoni mwa Halmashauri  na Taasisi zinazoshiriki maonesho ya wakulima nanenane katika viwanja vya maonesho ya Nyamhongolo  Mwanza

Mkurugenzi Mtendaji wa Halmashauri ya Wilaya ya Kwimba Bi. Happiness Msanga  ametembelea banda la maonesho hayo ambapo amewahamasisha wananchi kutembelea banda hilo ili kujifunza kilimo na ufugaji

" Kwimba vyanzo vyetu vya mapato ni kilimo  na ufugaji na kupitia mazao haya tunayolima kwimba mpunga,dengu, choroko na pamba vimetuwezesha kuongezeka kwa mapato ya ndani hadi kufikia bilioni 3.9 kwa mwaka wa fedha  2023/24"

Naye Afisa Kilimo wa Wilaya Mhandisi Magreth Kavalo amewakaribisha wananchi wote kutembelea banda hilo ili wajifunze kilimo chenye tija ikiwa ni pamoja na usindikaji wa mazao

" katika maonesha haya tunazo mashine  za kuongeza thamani ya mazao kama mashine ya kukata mihogo na kutengeneza unga, mashine za kutengeneza mafuta hivyo niwashauri wananchi wafike hapa wapate elimu ya kilimo bora ili wakafanye kilimo chenye tija" amesma Kavalo