KWIMBA YATOA ZAIDI YA MILIONI 200 KWA VIKUNDI VYA VIJANA WANAWAKE NA WATU WENYE ULEMAVU

Posted on: February 20th, 2023

Halmashauri ya Wilaya ya Kwimba imekabidhi millioni  265 Kwa vikundi 21  vya vijana,wanawake na watu wenye ulemavu.Umekuwa utaratibu wa Halmashauri kutoa asilimia kumi ya mapato ya ndani Kwa vikundi vya ujasiliamari kama mikopo isiyo na riba.

Akiongea  Kabla ya kukabidhi hundi ya millioni  265,206,226.84 Kaimu Mkurugenzi Ndugu Samweli Joshua Mgoli  amewataka watu wote waliokopeshwa mikopo hiyo kwenda kufanya kazi ilivyokusudiwa, vilevile amewataka kuhakikisha wanarejesha fedha hizo Kwa wakati Ili ziweze kutumika  kukopesha vikundi vingine

"hii ni fedha ambayo Ina mashariti kwahiyo ukikopa lazima urejeshe, mambo ya kukamatana siyo mazuri sana rejesheni Kwa hiari yenu msisubiri kukamatwa na kupelekwa mahakamani,ukweli ni kwamba  dawa ya deni ni kulipa kwahiyo jitahidini kurejesha Kwa wakati" amesema Mgoli

Naye Afisa maendeleo ya jamii (W) Bi. Rosalia Magoti akiwasilisha taarifa ya mikopo amesema  Halmashauri ya Wilaya ya Kwimba kuanzia mwaka 2016 hadi Sasa 2023 imeshatoa  bilioni 1.6 Kwa vikundi 285. Amesisitiza kuwa fedha inayokabidhiwa Leo inatolewankwa Kwa  vikundi 21.

Aidha Mkuu wa Kitengo cha Sheria Ndugu Denis Kabogo amewashauri kurejesha fedha Kwa wakati na kwenda kutumia fedha hizo Kwa malengo yaliyokusudiwa, amesisitiza kuwa Sheria zinazosimamia utoaji wa mikopo zitazingatiwa kwa wote watakaokiuka taratibu za mikopo hiyo.