MADIWANI WAHIMIZWA USIMAMIZI WA MIRADI YA MAENDELEO

Posted on: April 17th, 2025

Mkuu wa Wilaya ya Kwimba Mhe. Ng'wilabuzu Ludigija  amewataka waheshimiwa Madiwani  kuongeza usimamizi wa miradi ya maendeleo

" waheshimiwa madiwani shirikianeni na wataalamu kusimamia miradi ya maendeleo inayotekelezwa katika maeneo yenu, miradi hiyo ikikamilika itawarahisishia kazi nyie kwenye kazi zenu za kisiasa lakini lengo la Serikali litakuwa limekamilika la kuwafikishia huduma wananchi" amesema Ludigija 

Aidha Mkuu wa Wilaya  amewataka TARURA kuongeza juhudi katika utekelezaji wa miradi ya barabara na madaraja ili kuondoa kero ya kushindwa kipita kwa wakati pindi mvua kubwa inaponyesha mfano daraja la  Solwe 

Mkuu huyo  amewataka watumishi kufanya kazi kwa kuzingatia sheria,kanuni na taratibu za utumishi, pia amewasisitiza watumishi wote kujiamini wanapotekeleza majukumu yao.

Akiwasilisha taarifa kaim Mkurugenzi, Ndugu Wiliam Kasuja amesema Halmashauri inaendelea  kusimamia utekelezaji wa miradi aidha katika robo ya tatu ya mwaka wa fedha 2024/25 Halmashauri imepokea watumishi ajira mpya 178 wakiwemo watumishi wa Idara ya Elimu,Afya,utawala na manununi.

Nao waheshimiwa Madiwani wametumia wasaa huo kumuomba Mkuu wa Wilaya kuendelea kuwasisitiza wakala wa barabara  kukarabati madaraja na  barabara kwa wakati.

Katika mkutano huo ameshiriki  Katibu wa CCM Wilaya ya Kwimba Ndug. Agatha Lubuva ambaye  amewashauri waheshimiwa Madiwani na watumishi kufanya kazi kwa ushirikiano

"Maendeleo hayawezi kupatikana bila ushirikiano kati ya chama na Serikali kwahiyo watumishi na Madiwani tushirikiani ili tuijenge Kwimba na Taifa kwaujumla"