MADIWANI WANG'AKA WATAKA WADAIWA SUGU FEDHA ZA MIKOPO 10% KUKAMATWA

Posted on: December 15th, 2022

Wajumbe wa kikao cha kamati ya ushauri ya Wilaya ya Kwimba( DCC) wameshauri wadaiwa sugu wa madeni ya mikopo ya vikundi vinavyokopeshwa na Halmashauri wakamatwe na jeshi la police kama hawataki kilipa fedha hizo kwa hiari.

“ wadaiwa wakamatwe warudishe fedha ili watu wengine wakopeshwe, tena hiki kikosi kazi kilichoanza kuwakamata  kiongeze nguvu  zaidi na wanapokamata wasibague, watu wote wanaodaiwa wakamatwe walipe, hatuwezi kubembeleza watu kurudisha fedha wakati walisaini mikataba ya kurudisha fedha hizo ndani ya mwaka mmoja” amesema Majoge Diwani Hungumalwa 

Haya yamejiri kwenye kikao cha kamati ya ushauri ya Wilaya (  DCC ) ambacho kimefanyika leo tarehe 15, Disemba 2022 kwenye ukumbi wa Halmashauri ya Wilaya ya Kwimba.

Mwenyekiti wa kikao hicho ambaye ni Mkuu wa Wilaya ya Kwimba Mhe. Johari Samizi ameshauri vikundi vinavyokopeshwa virudishe fedha hizo kwa wakati  wasisubiri hadi wakamatwe ndipo warejeshe

“ dawa ya deni ni kulipa, wanaodaiwa walipe fedha wasisubir kukamatwa, lakini kuhusu elimu vikundi vinapewa elimu kabla ya kukopeshwa  kwahiyo kutorejesha ni tabia ambayo vikundi  vingi wanafikiri fedha ya Serikali  haina mtu wa kuifatilia” amesema Samizi

Aidha Mkuu huyo ameshauri Idara ya maendeleo ya jamii ibadirishe utaratibu wa kutoa mikopo kutoka kutoa fedha hadi kutoa vifaa au vitu ili kuepusha tabia ya baadhi ya vikundi vinavyokopeshwa fedha  kisha kubadili matumizi ya fedha hizo badara ya kufanya biashara wanagawana fedha kitu kinachopelekea  kushindwa kurejesha fedha hizo.

Nao wafugaji wametakiwa kuacha tabia ya kupitisha mifugo barabarani hali inayosababisha  uharibifu wa barabara

“ kamateni mifugo yote  inayopita barabarani muwatoze faini ya elfu 50 kila ngombe ili iwe fundisho kwa wafugaji wote wasiotaka kufuata sheria na taratibu za Serikali” amesema Samizi

Katika Kikao hicho taarifa za taasis mbalimbali zimewasilishwa zikiwemo taarifa za  RUWASA,TANESCO,TARURA,MWAUWASA,VETA, FDC MALYA NA CHUO CHA AFYA NGUDU.