MADIWANI WATAKIWA KUWA MABALOZI WA UJENZI WA VYOO BORA

Posted on: August 24th, 2023

Mkuu wa Wilaya ya Kwimba Mheshimiwa Ng'wilabuzu Ludigija amewataka Waheshimiwa Madiwani na viongozi wote wa vijiji na Kata kuwa Mabalozi kwa wananchi wao kwa kuwahamasisha ujenzi wa vyoo bora na vya kisasa.

Ameyasema hayo kwenye Baraza la Madiwani la  robo ya nne ya mwaka wa fedha 2022/23 lililofanyika katika ukumbi wa Halmashauri

"Madiwani na  viongozi katika maeneo yenu mkawe mabalozi, mkaonyeshe kwa mfano ujenzi wa vyoo bora, tunataka Wananchi wote wawe na vyoo bora Ili kujiepusha na mripuko wa magonjwa unaoweza kuepukika" Ludigija

Aidha Mkuu huyo amewaelekeza Waheshimiwa Madiwani kuhakikisha Kila Shule inatoa chakula kwa wanafunzi kwa kuwashirikisha wazazi kuchangia vyakula vya wanafunzi

" kama watoto wanaokuwa nyumbani wanakula mchana kwanini anayekuwa shuleni kile chakula ambacho angekula nyumbani kisipelekwe shuleni? tunataka watoto wote wapate chakula shuleni Ili waweze kusoma vizuri"  Ludigija

Akiwasilisha taarifa ya robo ya nne ya mwaka wa fedha 2022/23 Mkurugenzi Mtendaji wa Halmashauri ya Wilaya ya Kwimba Bi. Happiness Msanga amesema Halmashauri imepokea kiasi cha Bilioni 2.24 kwaajili ya ujenzi wa miundombinu ya elimu Sekondari. Shule mpya mbili zinajengwa Sumve na Bupamwa na madarasa na mabweni yanajengwa katika Shule za Mwamashimba,Talo, Ngudu,Kilyaboya na Manawa,

Baada ya Baraza hilo ulifanyika Mkutano Mkuu wa mwaka wa  Halmashauri ambapo Mhe. Lameck Hole  amechaguliwa kuwa Makamu Mwenyekiti wa Halmashauri ya Wilaya ya Kwimba kwa mwaka wa fedha 2023/24.