MAKARANI WA SENSA WAAPISHWA

Posted on: August 15th, 2022

Kuelekea siku ya Sensa ya Watu na makazi Makarani wa Sensa watakiwa kufanya kazi kwa weledi, uzalendo, uwajibikaji na uaminifu. Haya yamesemwa na Mkuu wa Wilaya ya Kwimba Mhe. Johari Samizi wakati makarani hao wakiapishwa leo tarehe 15,Agosti 2022

 Mheshimiwa Samizi amesisitiza kuwa Kazi ya Sensa ni kazi ya kizalendo, nikazi inayohitaji umakini wa hali ya juu ili kupata takwimu zitakazosaidia Serikali kupanga mikakati ya maendeleo kulingana na idadi ya watu.

“Tanzania niyakwetu sote tushirikiane kuijenga kwa kuleta takwimu sahihi siku ya sensa, kwahiyo nasisitiza mkafanye kazi kwa uaminifu, uadilifu na uwajibikaji, sitarajii kasoro yoyote kujitokeza kwenye zoezi hili” amesema Samizi 

Kazi ya kuapishwa makarani imefanyika katika Tarafa zote za Wilaya ya Kwimba ambapo kila Tarafa inakituo kimoja cha kutolea mafunzo kwa makarani.