MGOGORO WA VIBANDA WAPATIWA UFUMBUZI KUPITIA UTATUZI WA KERO ZA WANANCHI

Posted on: September 29th, 2023

Mkuu wa Wilaya ya Kwimba Mheshimiwa Ng'wilabuzu Ludigija ameendelea na ziara ya Kata hadi Kata kusikiliza malalamiko na kero za wananchi ambapo Leo Septemba 29,2023 amesikiliza kero za wananchi wa Kata ya Malya na Nkalalo.

Katika ziara hiyo kero zilizojitokeza ni uhaba wa maji, umeme kukatika katika, Barabara kutokarabatiwa kwa wakati na mgogoro wa wafanyabiashara, wamiliki wa vibanda vya stendi ya Malya na Halmashauri

Mkuu wa Wilaya amewataka wafanyabiashara kutii Sheria bila shuruti vilevile amesisitiza kuwa vibanda  vilivyojengwa eneo la Halmashauri ni mali ya Serikali hivyo wapangaji wa vibanda hivyo wanatakiwa kulipa Kodi kama Halmashauri inavyoelekeza.

Aidha katika ziara hiyo Mkuu wa Wilaya ametatua changamoto ya upatikanaji wa maji Kata ya Malya ambapo amewataka RUWASA kuhakikisha wanatengeneza miundombinu iliyoharibika haraka

" naelekeza kufikia jumatatu maji yawe yameshaanza kutoka, tengenezeni hizo mashine zilizoharibika watu wapate maji" Ludigija

Mheshimiwa Ludigija ameitumia ziara hiyo kuwataka wafanyabiashara wa nyama kuhakikisha bei ya nyama haizidi elfu Saba kwa kilo moja.