MKURUGENZI AKAGUA UJENZI WA VITUO VYA AFYA

Posted on: December 4th, 2022

Mkurugenzi mtendaji wa Halmashauri ya Wilaya ya Kwimba  Bi. Happiness Msanga akiwa ameambatana na baadhi ya Wakuu wa Idara wamekagua maendeleo ya ujenzi wa kituo cha Afya Sumve kinachotekelezwa kwa fedha za mapato ya ndani na ujenzi wa Kituo cha Afya Isunga kinachojengwa na fedha toka Serikali kuu.

Halmashauri ya Wilaya ya Kwimba inaendelea kutekeleza miradi ya maendeleo  kwa fedha za mapato ya ndani ikiwa ni pamoja na ujenzi wa kituo cha Afya kipya katika kata ya Sumve.

Halmashauri imetenga milioni 300 kwa mwaka wa fedha 2022/2023  kutekeleza ujenzi wa jengo la wagonjwa wa nje, maabara na kichomea taka, aidha milioni 100 zimeshapelekwa kwaajili ya kujenga jengo la wagonjwa wa nje( OPD ) na ujenzi umefikia hatua ya boma.

Halmashauri inaendelea kupanga mikakati itakayowezesha kituo hicho kupata majengo yote yanayohitajika katika kituo cha Afya.

Aidha viongozi hao wamekagua maendeleo ya ujenzi wa jengo la upasuaji na ukunga na ujenzi wa jengo la kufulia katika kituo cha Afya Isunga ambapo ujenzi umefikia hatua za ukamilishaji