MKURUGENZI ASISITIZA USHIRIKIANO KATI YA WATUMISHI WA UMMA NA VIONGOZI WENGINE

Posted on: July 22nd, 2024

Mkurugenzi Mtendaji wa Halmashauri ya Wilaya ya Kwimba Bi. Happiness Msanga amewashauri watumishi na viongozi wa kuchaguliwa ngazi ya kata kufanya kazi kwa ushirikiano

Ameyasema hayo leo Julai 22,2024 katika vikao vya kamati za maendeleo za kata vilivyofanyika katika kata ya Igongwa, Ng'undi,Nyamilama,Mwakilyambiti na Mwankulwe

" niwashauri mpende kufanya kazi kwa ushirikiano badala ya kutunishiana misuri" Msanga 

Amesisitiza kuwa maendeleo ya mahali popote yanaletwa na jamii ya eneo husika hivyo wananchi wahamasishwe kushiriki shughuli za maendeleo 

Mkurugenzi  huyo amewataka viongozi hao ngazi ya Kata kuacha tabia ya kutumia fedha za Serikali kwani huo ni wizi na atakayebainika atachukuliwa hatua kwa mujibu wa sheria

" mnapokusanya michango ya maendeleo pelekeni kwenye akaunti za vijiji au kata acheni kukaa na fedha nyumbani na kujikopesha fedha za umma kwanza ni dhambi na niwizi" amesema Msanga 

Bi. Msanga ametumia vikao hivyo kuhamasisha suala la elimu huku akiwataka wenyeviti wa vijiji na vitongoji kuwa mabalozi kwenye kuhimiza suala la elimu na maadili.

Naye Afisa Uchaguzi ambaye pia ni Afisa Utumishi Ndugu Clavery Reginald ametumia wasaa huo kutoa elimu ya umuhimu wa kujiandikisha na kuboresha taarifa kwenye daftari la mpiga kura.

Viongozi walioshiriki vikao  hivyo wamemshukuru Mkurugenzi  kwa kuwafikia katika maeneo yao ili kusikiliza na kutatua kero zao

" Mkurugenzi  tunakushukuru sana kwa kutufikia maana umeweza kusikia changamoto zetu naamini utakwenda kuzifanyia kazi na sisi maelekezo yako tunakwenda  kuyatekeleza" amesema Mheshimiwa Peter Ngasa  Diwani Kata ya Ng'undi