MKUTANO MKUU WA KUFUNGA HESABU ZA HALMASHAURI

Posted on: August 25th, 2023

Mkutano Mkuu wa kufunga hesabu za Halmashauri umefanyika leo Agosti 25,2023 katika ukumbi wa Halmashauri ya Wilaya ya Kwimba  huku Halmashauri ikionekana kupaa katika ongezeko la mali za kudumu kutoka mali zenye thamani ya bilioni 65.8 kwa mwaka 2021/22 hadi bilioni 71.9 kwa mwaka 2022/23.

Ongezeko hilo limetokana na ujenzi wa miundombinu mbalimbali ikiwa ni pamoja na ujenzi wa  Hospitali ya  Wilaya, Vituo vya Afya, Zahanati, madarasa, vyoo na miundombinu mingine.

Akiwasilisha taarifa ya hesabu za Halmashauri ya Wilaya ya Kwimba kwa mwaka wa fedha ulioishia Juni 30,2023 Bi. Happiness Msanga Mkurugenzi Mtendaji wa Halmashauri ya Wilaya ya Kwimba  amesema Halmashauri inaedelea kusimamia mifumo ya fedha Ili kuhakikisha fedha zote zinatumika na kufanya kazi katika malengo yaliyokusudiwa.

Aidha Mkurugenzi amesisitiza kuwa Halmashauri imeongeza mali za kudumu, pia imepunguza kiwango cha madeni ya muda mfupi.

Makamu Mwenyekiti wa Halmashauri Mhe. Lameck Hole akifungua mkutano huo amewapongeza wataalamu kwa kazi  nzuri ya ufungaji wa hesabu na ameipongeza Halmashauri kwa  kupunguza madeni pia ameshauri madeni yaendelee kulipwa Ili mwaka wa fedha ujao kuwe na taarifa tofauti.