MKUU WA WILAYA AWEKA JIWE LA MSINGI MRADI WA MAJI NG'ULIKU

Posted on: March 7th, 2022

Mkuu wa Wilaya ya Kwimba Mheshimiwa Johari Samizi jana tarehe 7/3/2022  amekagua miradi ya maji mitatu  na kuweka jiwe la msingi katika mradi wa Ng'uliku.

Katika hafla hiyo Mhuu wa Wilaya amewataka wataalamu kutoka RUWASA kuhakikisha wanasimamia kwa ukaribu miradi inayoendelea hasa ile inayotekelezwa na wakandarasi ili kuhakikisha miradi hiyo inakamilika kwa wakati.

Akisoma taarifa ya miradi hiyo meneja wa  RUWASA Wilaya ya Kwimba amesema mradi wa Ibindo unatekelezwa kwa fedha za UVIKO-19 ambapo milioni 505 zimeshapokelewa na mkandarasi yupo kazini kwaajili ya kujenga tanki kibwa litakaloweza kuhifadhi maji ya kutosha maeneo hayo.Amesema tangi la Izizimba B nalo linajengwa na mkandarasi kwa fedha za UVIKO -19  ambapo milion 315.1 zitatumika kujenga tangi la lita  135,000 na  na kutandaza mabomba kwa Wananchi.

Meneja huyo amesisitiza kuwa ujenzi wa tanki la ng'uliku umekamilika na hivyo mtandao wa maji umeongezeka katika kijiji hicho na vijiji jirani.

Wananchi wa maeneo hayo yanayotekeleza miradi ya maji wameishukuru Serikali ya Awamu ya sita kwa kuwafikishia majo katika vijiji hivyo

" Tunamshukuru mheshimiwa Rais kwa kutuletea maji kijijini kwetu tena maji ya ziwa victoria kweli Mama ameamua kututua ndoo kichwani wanawake wenzake tunamshukuru sana" amesema Milembe Charles  mwananchi wa kijiji cha Ng"uliku