MKUU WA WILAYA AZINDUA MPANGO WA KUSIKILIZA KERO NA MALALAMIKO YA WANANCHI

Posted on: September 22nd, 2023

Mkuu wa Wilaya ya Kwimba Mheshimiwa Ng'wilabuzu Ludigija amezindua mpango rasmi wa kusikiliza malalamiko na kero za Wananchi na kuzitafutia  ufumbuzi.

Uzinduzi huo umefanyika leo 22, Septemba 2023 katika ofisi ya Mkuu wa Wilaya.Mkuu huyo amesikiliza na kutatua malalamiko ya Wananchi wote waliojitokeza

" Utaratibu huu utakuwa endelevu nimeweka ratiba vizuri ambapo kila siku ya Alhamisi kila wiki  itakuwa ni siku ya kusikiliza malalamiko na kero na kuzitatua au kuzitafutia ufumbuzi" Ludigija

Wananchi wenye malalamiko au kero wameshauriwa kuitumia siku ya Alhamisi kupeleka kero zao Ili zitafutiwe ufumbuzi hasa watu wenye migogoro ya Ardhi wafike kupata ushauri mapema Ili kuepusha madhara yanayosababishwa na migogoro hiyo.