MKUU WA WILAYA YA KWIMBA ATOA ELIMU YA CHANJO YA UVIKO-19 KWA WAGANGA WA TIBA ASILI

Posted on: October 6th, 2021

Mkuu wa Wilaya ya Kwimba Mhe. Johari M. Samizi  akiwa na kamati ya wataalamu wa Afya ngazi ya Mkoa na Wilaya leo tarehe 06, Oktoba 2021 katika kijiji cha Nyambiti, wametoa elimu ya umuhimu wa chanjo ya UVIKO-19 kwa Waganga wa Tiba Asili wa Tarafa ya Ibindo Wilaya ya Kwimba.

Waganga hao wamepata nafasi ya kuuliza maswali yaliyokuwa yakiwatatiza kuhusiana na chanjo, ambapo Dakitari  kutoka Ofisi ya Mkuu wa Mkoa Dkt. Silas Wambura amewaelezea kuwa chanjo iko salama, haina madhara, amesisitiza  kuwa Mheshimiwa Rais wa Jamuhuri ya Muungano wa Tanzania  Mama Samia Suluhu Hassan amejiridhisha kuwa chanjo ni salama ndiyomaana ameileta kwa Wananchi ili wachanjwe kwaajili ya kujikinga na virusi vya corona.

Baada ya Elimu kutolewa Waganga hao wamefanya maamuzi ya kuchanjwa  ili kujikinga na kuwakinga wateja wao wanaowafikia  kupata huduma katika maeneo yao ya kazi.

l