NAIBU KATIBU MKUU BARA CHRISTINA MNDEME AFURAHISHEA NA MRADI WA UJENZI WA KITUO CHA AFYA HUNGUMALWA

Posted on: August 11th, 2022

Naibu Katibu Mkuu wa Chama cha Mapinduzi Bara Ndugu  Christina Mndeme aipongeza Kwimba kwa kupata miradi ya maendeleo ukiwemo mradi wa ujenzi wa kituo cha Afya Hungumalwa, ameyasema hayo leo tarehe 11,Agosti 2022 katika Kituo cha Afya Hungumalwa wakati akikagua maendeleo ya ujenzi wa Kituo hicho ambapo Kata ya Hungumalwa  ilipokea milioni 500 kwaajili ya ujenzi wa kituo cha Afya.

“ tunaposema Mama Samia anaupiga  mwingi hii ndiyo maana yake tarifa yenu imesema Kwimba  mmepokea bilioni 28 kwaajili ya utekelezaji wa miradi mbalimbali ndiyo maana  ukienda kweye sekta ya  Afya unamkuta mama Samia ,barabara unamkuta,maji yupo,Elimu, na miradi mingine  hongereni sana Kwimba”amesema Mndeme

Kiongozi huyo amesisitiza  mwezi wa tisa  kituo cha Afya  Hungumalwa  kiwe kimekamilika na kuanza kutoa huduma, ili lengo la kutoa huduma kwa Wananchi likamilike.Aidha  amewaelekeza  Madaktari na wauguzi kuongeza  uboreshaji wa huduma za Afya ikiwa na lengo la kupunguza vifo vinavyowezekana kuepukika

“ niwaombe sana wauguzi na madaktari mboreshe huduma za Afya, mgonjwa anapokuja hospitali apate matumaini ya kuishi siyo wagonjwa wanafika hospitali wanakosa matumaini, toeni huduma bora” amesema Mndeme

Akiongea na viongozi na Wananchama wa Chama Cha Mapinduzi katika Tawi la Malya na Ngudu, Mndeme  amewataka viongozi wa Chama na Serikali kufanya kazi kwa bidii ili kuunga mkono jitihada za Rais wa Jamhuri ya Muungano wa Tanzania Mhe.Samia Suluhu Hassan ili adhima yake ya kufikisha maendeleo kwa Wananchi itimie.

Aidha kiongozi huyo  amesisitiza  upandaji wa miti  inayovumilia ukame na hali  ya hewa ya  Kwimba, miti itakayosaidia kuzuia upepo mkali unaoweza kuezua mapaa ya majengo, lakini miti itaweza kuyafanya mazingira yawe na muonekano mzuri.

Akihitimisha hotuba yake ametoa Elimu ya Sensa, amewashauti  wananchi wote kuwa tayari kuhesabiwa ifikapo tarehe 23,Agosti 2022 .

Naye Mkurugenzi wa Halmashairi akisoma taarifa amemshukuru Rais wa Jamhuri ya Muungano wa Tanzania kwa kuleta fedha nyingi za utekelezaji wa miradi ikiwemo miradi ya Afya, Elimu, maji, barabara, umemena mingine