NAIBU WAZIRI ATAKA MIKOPO INAYOTOLEWA KWA VIKUNDI VYA VIJANA, WANAWAKE NA WALEMAVU ISIPUNGUE MILIONI 5.

Posted on: February 29th, 2020

Mhe:Josephat Sinkamba Kandege Naibu waziri OR-TAMISEMI amefanya ziara katika Wilaya ya Kwimba kukagua miradi mbalimbali ya maendeleo na vikundi vya ujasiliamali.Katika ziara hiyo Mhe: Kandege ameitaka Halmashauri kujitahidi kutoa mikopo itakayoleta tija kwa vikundi vya vijana ,wanawake na walemavu,aidha ametaka mikopo inayotolewa angalau ianzie milioni 5 ili wanaokopeshwa wafanye biashara zenye manufaa.Katika ziara hiyo amewataka viongozi kufanya kazi zao kwa ufasaha, aidha amemtaka Afisa elimu Msingi kujitahidi kuongeza ufauli wa darasa lasaba na amemtaka Mganga Mkuu wa Wilaya kuongeza uhamasishaji katika suala la bima ya Afya iliyoboreshwa CHF ili wananchi waepukane na gharama za matibabu.