NAIBU WAZIRI WA ARDHI ATOA HATI ZA VIWANJA KWA WAMILIKI KWIMBA.

Posted on: August 14th, 2020

Naibu waziri wa Ardhi  Mhe.Angelina Mabula amefanya ziara ya kikazi Wilayani Kwimba kufuatilia maagizo aliyoyatoa kama yanafanyiwa kazi,kuhamasisha watumishi wa Idara ya Ardhi kuendelea kutoa Elimu kwa wananchi juu ya umuhimu wa urasimishaji  wa Ardhi na kuhamasisha Idara ya Ardhi juu ya ukusanyaji wa mapato yanayotokana na Ardhi.

Katika ziara hiyo Mhe.Angelina ametoa hati 13 kwa wamiliki ambao wamefanya umirikishwaji wa Ardhi akiwemo Mkurugenzi wa Halmashauri Bib.Pendo Malabeja ambaye amepokea hati ya eneo la Halmashauri.

Aidha Mhe.Angelina ameitaka idara ya Ardhi kuongeza malengo ya idadi ya utoaji wa Hati kwa mwaka na amesisitiza elimu itolewe ili wananchi wajue faida za kumilikishwa ardhi,ili wajitokeze kwa wingi kurasimisha ardhi zao.