NMB YAKABIDHI KOMPUTA 10 KWA WAKUU WA SHULE

Posted on: August 7th, 2024

Afisa Elimu Sekondari  Mwalimu Emmanuel Katemi amepokea computa 10 kutoka Taasisi ya fedha  NMB kwaajili ya shule za Sekondari tano zenye kidato cha tano na sita.

Vifaa hivyo vimepokelewa leo Agost 7,2024 kwenye ofisi ya Mkurugenzi wa Halmashauri " nitumie nafasi hii kuishukuru Benki ya NMB kwa kuendelea kushiriki uboreshaji wa elimu kwa kutoa vifaa hivi vya TEHAMA, vitasaidia sana katika ufundishaji na ujifunzaji" Katemi

Akikabidhi vifaa hivyo Meneja wa NMB Ngudu  Hassan amesema ni utaratibu wa benki hiyo kutoa misaada ya vifaa katika taasisi za elimu na Afya ikiwa na lengo la kurudisha mchango kwa  jamii 

Nao walimu  waliopokea vifaa hivyo wameishukuru NMB kwa kujali na kushiriki uboreshaji wa elimu pia wameiomba taasisi hiyo kuendelea kutoa vifaa mbalimbali

" nipende kuishukuru NMB kwa kuona umuhimu wa kuleta vifaa hivi tunaamini kupitia vifaa hivi elimu itaboreshwa zaidi" amesema  Mwalimu Komenikesha

Aidha Afisa Elimu  amesema shule hizo zilizopewa vifaa zimefanya vizuri katika matokeo ya kidato cha sita hivyo kuongezeka kwa vifaa hivyo vya TEHAMA  kutachangia ufaulu kuongezeka zaidi