TAKUKURU YAOKOA MILIONI SITA KADASHI

Posted on: January 21st, 2021

Taasisi ya kuzuia na kupambana na rushwa TAKUKURU yakabidhi Milioni sita kwa Mkuu wa Wilaya Kwimba. 

Kamanda wa TAKUKURU Kwimba Ndug. Julian Augustine amekabidhi kiasi cha Milioni sita kwa Mkuu wa Wilaya ya Kwimba Mhe.Senyi Simon Ngaga.Zoezi hilo la makabidhiano ya fedha  limefanyika Ofisini kwa Mkuu wa Wilaya ya Kwimba leo tarehe 21/01/2021, mbele ya kamati ya ulinzi na usalama.

Akiongea kabla ya kukabidhi fedha hizo kamanda huyo  amesema fedha hizo zimetokana na ufuatiliaji wa kazi ya ujenzi wa Kituo cha Afya Kadashi ambapo Fundi mmoja  alitoroka na kukimbia na fedha ya Serikali kabla ya kukamilisha mkataba. Fundi huyo alikamatwa na amerudisha fedha yote ambayo hakuifanyia kazi.

Baada ya mapokezi ya fedha hizo Mkuu wa Wilaya amemkabidhi Mkurugenzi wa Halmashauri Bib. Pendo Anangisye Malabeja kwa ajili ya utekelezaji wa mradi huo wa kadashi.

Aidha DC amewataka TAKUKURU kuendelea kuchunguza miradi yote ili kama kuna ubadhirifu wa namna yoyote ile uchukuliwe hatua, vilevile amesisitiza kuwa ujenzi wa Kituo cha Afya Kadashi  uendelee kwa kasi ili Kituo hicho kikamilike  wananchi wapate huduma inayotakiwa.