TASAF YAKABIDHI MBUZI NA KONDOO 174 KWA WALENGWA

Posted on: March 22nd, 2023

Mpango wa kunusuru kaya masikini ( Tasaf) Leo Machi 22,2023 wamekabidhi mbuzi na kondoo 174 kwa walengwa wa kaya masikini katika Kijiji cha Mwamhembo Kata ya Malya ikiwa ni juhudi za Serikali za kuendelea  kuboresha maisha na kukuza uchumi wa Wananchi.

Akikabidhi mbuzi hao Mheshimiwa Athanas Nigo Diwani w Kata ya Malya amewashauri walengwa wote waliopokea mifugo hiyo kwenda kuitunza vizuri Ili iweze kuongezeka na kuwaongezea kipato " hamjapewa hii mifugo Ili mkauze, nendeni mfuge hii ni mbegu kazalisheni Ili mpate mifugo mingi zaidi itawasaidia kuinua uchumi wenu" Nigo

Naye mratibu wa Tasaf Happy Kaali amesema Halmashauri ilipokea fedha kiasi cha millioni 41 kwaajili ya mradi wa kukuza uchumi katika Kijiji cha Mwamhembo na Nyamilama ambapo leo mifugo 174 imetolewa Mwamhembo na mifugo 190  itapelekwa Kwa walengwa wa Kijiji cha Nyamilama

" Leo tumetoa mbuzi na kondoo 174 Kwa vikundi vitano vya walengwa wa Tasaf ambapo Kila Mlengwa amepewa mbuzi au kondoo tatu na tunataraja baada ya muda tutakuta mifugo hiyo imeongezeka kwasababu lengo  nikuwawezesha kuongeza kipato na kukuza uchumi, hatutarajii kusikia Mlengwa ameuza hii mifugo kabla haijaongezeka atakayefanya hivyo atakuwa amekiuka utaratibu na ukiukaji wa taratibu unaweza sababisha  kufutwa kwenye mpango" Kaali

Kutokana na tukio hilo walengwa wameishukuru Serikali Kwa kuona umuhimu wa kuwapatia mifugo itakayowasaidia kukuza na kuongeza uchumi wao " naishukuru Serikali inayoongozwa na Mheshimiwa Dkt Samia Suluhu Hassan Kwa kutuletea mifugo hii tunaamini  kipato chetu kitaongezeka kutokana na ufugaji huu" amesema Elizabeth Kashinj

Aidha Tasaf inaendelea kutekeleza miradi mbalimbali ikiwa ni pamoja na ujenzi wa madarasa, nyumba za watumishi, Zahanati na miradi mingine.