TLB-Kwimba Kushiriki Zoezi la Upandaji Miti

Posted on: November 29th, 2017

Uongozi wa chama cha Wasiona Wilayani Kwimba umeshiriki zoezi la upandji miti katika Zahanati ya  Malemve kata ya Igogwa tarahe 28 Novemba, 2017.Lengo likiwa ni kuwahimiza wananchi kupanda miti katika kaya zao  na ili kukabiliana na maafa yanayotokana na ukame.

Akizungumza katika zoezi hilo  Afisa maliasili wa Halmashauri ya Wilaya ya Kwimba Ndg  Julius Swai  kwa niaba ya Mkurugenzi Mtendaji aliwaagiza wananchi wa kata ya Malemve  kuhakikisha wanapanda miti ya aina mbalimbali katika Taasisi za serikali na maeneo wanayoishi katika msimu huu wa mvua ili kutimiza mpango wa Halmashauri  wa  kupanda miti 1,500,000  katika kata 30 za Wilaya ya Kwimba.

Pia Ndg Swai aliiomba serikari kupunguza bei ya Gesi  ili wananchi waache tabia ya kukata miti ovyo.

 Afisa maliasili wa Halmashauri ya Wilaya ya Kwimba Ndg  Julius Swai akishiriki zoezi la upandaji miti katika Zahanati ya Malemve.

 Kwa upande wake Mratibu wa TLB-Kwimba  Ndg Isack Manumbu alisema  zoezi la upandaji miti ni zoezi endelevu na linamanufaa makubwa katka maisha.

“ kupanda miti ni zoezi endelevu lisihishie hapa  kwani linamanufaa makubwa kwa vizazi vyetu na vizazi vya baadaye”

Mratibu wa TLB-Kwimba  Ndg Isack Manumbu akishiriki zoezi la upandaji miti

Naye Mwenyekiti wa chama cha watu wasioona Kwimba  Ndg Salu Kaswahili  amewaomba wananchi kupanda miti na kuitunza.

 “Yatupasa kupanda miti  na kuitunza kama Mungu  alivyopanda  bustani  na kuitunza upande wa  mashariki mwa Edeni” 

Aidha  Mwenyekiti wa kikundi cha Kazi na Maendeleo kata ya Malemve Bibi Mariam John alisema zoezi za upandaji miti limeleta hamasa kwa wananchi na aliiomba Halmashauri ianzishe kampeni ya upandaji miti katika shule zote za Msingi na Sekondari

Akihitimisha zoezi hilo Mtendaji wa kata ya Igongwa Ndg Robert Emmanuel aliwaomba wadau wengine  kutoa elimu kuhusu umuhimu wa kuhifadhi mazingira na elimu ya vitendo kuhusu namna bora ya kupanda miti.