TUENDELEE KUJITOA TUJENGE KWIMBA YETU

Posted on: July 12th, 2024

" tuendelee kujitoa tuijenge Kwimba yetu" Kauli  hii imetolewa na Mkurugenzi Mtendaji wa Halmashauri ya Wilaya ya Kwimba Bi. Happiness Msanga  katika kikao cha Kamati ya maendeleo ya Kata ya Nyambiti

Katika kikao hicho Msanga amewashauri viongozi wa Kata hiyo kuendelea kuhamasisha wananchi kushiriki shughuli za maendeleo  ikiwa ni pamoja na kujenga maboma ya madarasa, vyoo na miundombinu mingine ambayo yakishafikia hatua ya boma Serikali inaleta fedha kukamilisha.

Aidha Msanga  amesisitiza usimamizi wa miradi inayotekelezwa katika Kata hiyo huku akiwataka viongozi kutokuwa vikwazo katika kukamilisha  miradi " hatutarajii kuona kingozi ndiye chanzo cha mradi  kutokamilika "

Aidha amewataka viongozi hao kutokwepa majukumu yao ya kisheria " hakuna cheo kinaitwa kaimu Mwenyekiti lakini kuna baadhi ya Wenyeviti wametafuta vijana wa kufanya kazi zao, hilo halitakiwi" amesema Msanga

Naye Diwani wa Kata hiyo Mhe. Peter Misalaba amempongeza Mkurugenzi  kwa kazi na maelekezo aliyoyatoa pia amemshukuru kwa kupeleka fedha za mapato ya ndani milioni 50 kukamilisha Zahanati ya Mwankuba.