TWENDENI TUKAHAMASISHE JAMII KUSHIRIKI SHUGHULI ZA MAENDELEO

Posted on: July 17th, 2024

"twendeni tukahamasishe jamii kushiriki shughuli za maendeleo"

Kauli hii imetolewa na Mkurugenzi Mtendaji wa Halmashauri ya Wilaya ya Kwimba Bi. Happiness Msanga kwenye vikao vya kamati ya maendeleo ya Kata ya Bungulwa,Walla,Mwagi,Nkalalo na Iseni  baada ya kuonekana shule za kata hizo zinaupungufu wa miundombinu.

" maendeleo yanaletwa na mimi na wewe  ndio maana ikaitwa Serikali za mitaa, kwahiyo tuhamasishe pia viongozi muwe waaminifu mnapokusanya michango hakikisheni  inafanya  kazi zilizokusudiwa ili msiwakatishe tamaa  wananchi" 

Mkurugenzi ametumia mikutano hiyo kuwahamasisha viongozi hao kwenda kutoa elimu ya umuhimu wa kujiandikisha kwenye daftari la mpiga kura.

Vilevile amewataka kusimamia kwa weledi  miradi ya maendeleo inayotekelezwa kwenye maeneo yao.

 Viongozi wa kata hizo wameshukuru kwa  maelekezo yaliyotolewa pia Afisa elimu wa Kata ya Walla Mwalimu  Mabosha Malegele amewashauri Walimu Wakuu kuongeza usimamizi wa elimu ili kuongeza ufaulu.

Katika vikao hivyo Mkurugenzi  amesisitiza utunzaji wa vyakula ili kuepusha madhara yanayoweza kusababishwa na njaa

Naye Afisa Kilimo wa Kata ya Wala Emida Agostino ameshauri elimu iendelee kutolewa ya umuhimu wa kutunza vyakula " tusaidiane kuelimisha wananchi kutunza vyakula maana familia nyingi zinaathirika pale Baba  wa familia wanapochukua vyakula nyumbani wanapeleka kuuza ili kufanya starehe hali inayopelekea familia zao kukosa chakula"