UKUSANYAJI WA MAPATO YATAKIWA KUWA AGENDA YA KILA KIONGOZI

Posted on: May 13th, 2022

Mkuu wa Wilaya ya Kwimba Mhe. Johari Samizi  amewataka viongozi wa Wilaya hiyo kutilia mkazo ukusanyaji wa mapato ili kuongeza kiwango cha mapato yanayopatikana Wilayani hapo. Mhe. Samizi ameyasema hayo kwenye Baraza la Waheshimiwa Madiwani lililofanyika tarehe 13 May, 2022 katika ukumbi wa Halmashauti ya Wilaya ya Kwimba.

"napenda kuwakumbusha viongozi wote kuwa swala la ukusanyaji wa mapato katika wilaya hii ni jukumu la kila kiongozi na nieleze tu kuwa fedha hizi tusitumie kwa kujinufainisha wenyewe kwani hatua Kali za Sheria zitachukuliwa kwa yoyote Yule kiongozi atakae tumia fedha hizi kwa kujinufaisha "Mkuu huyo  akaongezea kwa kuhamasisha swala la ushirikiano katika utendaji kazi" lakini pia niombe sisi Kama viongozi tupende kushirikiana katika Mambo yote yaliyopo ndani ya wilaya" alisema Samizi

Hata hivyo katibu wa  Chama Cha Mapinduzi (CCM) Wilaya Bi.Latifa Malimi amewataka Watumishi Idara ya Afya kufanya kazi kwa upendo na kutimiza wajibu wao kwa weledi

"napenda kugusia upande wa Afya  tusimamie vituo vya Afya wagonjwa wapate  huduma kwa usahihi na upendo zaidi.pia  niwapongeze Sana kamati ya Elimu kwa kupiga hatua kutoka nafasi ya chini mpaka kufikisha ufauru nafasi ya juu kwa Hilo hongereni Sana kamati ya Elimu"

Katika Baraza hilo Bi Happiness Msanga Mkurugenzi Mtendaji wa Halmashauri ya Wilaya ya Kwimba amewasilisha taarifa  iliyoonyesha utekelezaji wa miradi mbalimbali na hatua iliyofikiwa, ukusanyaji wa mapato na usimamizi wa Miradi yote inayotekelezwa ndani ya Halmashauri.