VIONGOZI WA HALMADHAURI WATAKIWA KUFANYA KAZI ZENYE TIJA

Posted on: September 7th, 2022

Ikiwa ni utaratibu wa baraza la Madiwani kuchagua makamu Mwenyekiti kila  mwaka na wajumbe wa kamati mbalimbali ikiwemo kamati ya Elimu na Uchumi, leo tarehe 7, Sept 2022 Madiwani wamemchagua Hole Mashauri  Diwani wa Kata ya Mantare kuwa Makam Mwenyekiti na madiwani wengine wamechaguliwa kuongoza kamati mbalimbali ikiwa ni pamoja na kamati ya uchumi na Elimu.

Kabla ya uchaguzi huo Mkuu wa Wilaya ya Kwimba  Mhe. Johari Samizi amewataka madiwani hao kuchagua viongozi watakaoweza kuisaidia Halmashauri kufikia  malengo ya maendeleo

“tunatarajia kuona viongozi watakaochaguliwa wawe niwale ambao wakotayari kufanyakazi kwa maslahi ya Serikali,watu watakaoisaidia Halmashauri kufikia malengo, viongozi watakaofanya kazi za maendeleo siyo kuleta migogoro” amesema Samizi

Baada ya maelekezo hayo Mheshimiwa Hole Mashauri alipewa nafasi ya kujinadi kwa madiwani ili waweze kumchagua kuwa Makam Mwenyekiti ambapo nafasi hiyo ameitumia vyema kuwataka madiwani wote bila kuzingatia vyama vyao kumchagua jambo ambalo limefanikiwa kwa kiwango kikubwa kwani baada ya kura kupigwa,kura  zote zilikuwa za ndiyo ikimaanisha madiwani wote wamekubaliana naye.

Aidha  baada ya uchaguzi huo Mkuu wa Wilaya amewapongeza  viongozi wote waliochaguliwa na amewataka kufanya kazi kwa upendo na ushirikiano ili kuchochea ari ya maendeleo na kutatua changamoto za wananchi.