WAKUU WA SHULE WAFANYA ZIARA NGORONGORO

Posted on: April 27th, 2024

Mnamo tarehe 27 Aprili 2024 Wakuu wa Shule za Sekondari walipelekwa Hifadhi ya Ngorongoro ikiwa ni motisha baada ya Kwimba kuibuka kinara matokeo ya kidato cha nne 2023.

Halmashauri ya Wilaya ya Kwimba ni miongoni mwa Halmashauri Saba nchini Tanzania zilizoibuka kinara kwenye kuongeza ufaulu na kuondoa ziro kwenye matokeo ya kidato cha nne 2023.

Mkurugenzi Mtendaji wa Halmashauri ya Wilaya ya Kwimba Bi. Happiness Msanga amesema kuwa Halmashauri itaendelea kutoa motisha kwa watumishi wote wanaofanya kazi zinazoleta matokeo chanya katika jamii.

Kwa miaka  mitatu mfululizo Halmashauri ya Kwimba imeendelea kuongeza ufaulu wa mitihani ya Shule za Msingi na Sekondari, ikumbukwe kuwa mwaka 2023 Shule ya Sekondari Sumve ilikuwa Shule ya nane Kitaifa na Shule ya Kwanza Kimkoa kwenye matokeo ya kidato cha Sita kwa Shule za wasichana.

Walimu walioshiriki ziara hiyo wamewashukuru viongozi wa Halmashauri kwa uamuzi wa kutoa motisha ya kutembelea Hifadhi, pia wameahidi kuongeza ufaulu zaidi ili kila mwaka wapate motisha.