WATENDAJI WAELEKEZWA KUSIMAMIA NA KUPUNGUZA TATIZO LA UTAPIAMLO KWA WATOTO.

Posted on: September 2nd, 2020

Afisa tawala ( W) Ndug. Ally Nyakia akiongea na watendaji wa kata  kwa niaba ya Mkuu wa Wilaya ya Kwimba amewaelekeza watendaji wa kata kusimamia na kupunguza hali duni ya lishe kwa watoto ili kuondoa tatizo la watoto wenye utapiamlo.

Akielezea majukumu ya watendaji wa kata katika kuhakikisha suala la  lishe kwa watoto linaboreshwa Afisa lishe(W) Dr.Emma Kalolo amesema watendaji wanawajibu wa kuhakikisha lishe ni ajenda ya kudumu ili waweze kulifatilia kila wakati,kuibua na kuchochea fursa za lishe katika kata zao,kuhakikisha mpango kazi wa lishe unajumuisha chakula na lishe,usafi wa mazingira ,maji na uchangamshi kwa watoto wadogo.

Kaimu Mkurugenzi Mtendaji(W) Ndug. Stahimili Ndaro amewashauri watendaji kulichukulia Jambo hili la lishe kwa uzito ili kuondokana na watoto wenye utapiamlo katika Wilaya ya Kwimba.