WATENDAJI WATATU WAPEWA PIKIPIKI

Posted on: September 5th, 2024

Mkurugenzi Mtendaji wa Halmashauri ya Wilaya ya Kwimba Dkt. Amon Mkoga  amekabidhi Pikipiki tatu kwa Watendaji wa Kata za Iseni,Mwandu na Mwankulwe.Pikipiki hizo zimetolewa leo Septemba  5,2024.

Akikabidhi vyombo hivyo vya usafiri Mkoga amewataka watendaji kwenda kuzitumia vizuri  kwenye ukusanyaji wa mapato na usimamizi wa miradi.

Aidha Mkoga amewataka watendaji kufanya kazi kwa kuzingatia sheria, kanuni na taratibu za utumishi wa umma " fanyeni kazi kwa uadilifu, ukikusanya fedha za mapato peleka Benki usikae na fedha ya Serikali nyumbani"

Akiongea na watendaji hao wa  Kata  Mkurugenzi  amewasisitiza kuhakikisha wanafunzi wote wanapata chakula shuleni " wahamasisheni wazazi wachangie vyakula ili wanafunzi wote wapate chakula siyo wengine wanakula wengine wamewaangalia" amesema Mkoga

Naye Afisa Utumishi ( W) Bi. Jane Malongo amewataka watendaji waliokabidhiwa pikipiki kwenda kuzitumia kwa uangalifu, pia amesema jumla ya watendaji wa kata 15 wanavyombo vya usafiri  na watendaji  15 waliobaki wataendelea kununuliwa taratibu kadri fedha zitakavyopatikana" hairuhusiwi kuuza mali ya Serikali bila kibali cha mwajiri kwahiyo kila mnachofanya zingatieni kanuni" 

Watendaji waliopewa Pikipiki wameshukuru kwa kupata vyombo hivyo vya usafiri na wameahidi kuvitumia vizuri kuongeza ukusanyaji wa mapato na usimamizi wa miradi